إلاليت الزمن يرجع ورا ولا ان الليالي تدور
ويرجع وقتنا الأول وننعم في بساطتنا
زمان أول نحس أنه زمن فيه صدق شعور
نحب ونخلص النيه وتجمعنا محبتنا
زمن مافيه لاغيبة ولاحتى نفاق وزور
ياليته بس لو يرجع ونسترجع طفولتنا
صغار قلوبنا بيضه نعيش بعالم محصور
ولانعرف ابد اغراب ماغير اعيال حارتنا
صحيح صغار بالتفكير لكن ماعلينا قصور
نخطط نكسر اللعبه وتسعدنا شقاوتنا
نروح المدرسة بدري ونضحك داخل الطابور
نحاول نزعج العالم بروحتنا وجيتنا
وعشان نأخر الحصه نخبي علبة الطبشور
نشاغب بس في الآخر تميزنا براءتنا
نحب الضحك والهيصه نحب نط فوق السور
نفرفش ليه مانفرفش مادام الضحك عاداتنا
ولكن دارت الأيام وبان الخافي المستور
وصار الهم متعلي على قمة سعادتنا
كبرنا وصارت الدنيا تصف أحزاننا بالدور
وتهدينا الألم والهم غصب عن عين رغبتنا
تعبنا من بلواينا أحد ضيق وأحد مقهور
وكل غارق بهمه وفي الآخر تشتتنا
وأنا ماأقول غير الإ ياليت أن الزمان يدور
ويرجع للورا فترة نعدل وضعي شتت
أتمنى تعجبكم أغنية للفنان علي بن محمد اهديها لكم