وصفه لتعطير الجسم سهله وروعه ...
وصدقوني الي راح تجربها اول مره اكيد ماراح تستغني عنهااا ابداً..
وعلشان تعرفين كيف الطريقه وتحصلين فيها على جسم تفــوح منه رائـحه النعومــه
والانوثه
دائمـــاً عندك احد هالطريقتين و اذا كنتي مستعجله سوي الطريقه الاولى
واذا كنتي مروقه سوي الطريقه الثانيه..
~~ الـــطـــريـــقــه الاولـــى ~~
بعد الاستحمام طبعا يكون جسمك رطب ضعي عليه
بودره الاطفال (بيبي جونسن)
او بودره زهور الريف معطره برائحه الكاميليا ^_^ او اي بـودرهـ تحبيهــــا ..
وبعدين وزعيها على جسمك عامه ..يعني حطي البودره وجسمك رطب شوي
مو مره عااد لا نشفيه بس خلي فيه شوي موية..
طبعا اذا جف جسمك بيطلع لونه اشهب من هالبودره
بعدين ضعي رشات خفيفه من عطرك المفضل او عطر المسك
او من نفس عطر البودره الي انتي حطيتها ..
وبعدين بشوفين النتيجه الروعه وبتستمتعين بجسم كالحرير من ناحية الملمس
وكالعبير من ناحية الرائحة .
~~ الــطـــريـــقـــة الـــثـــانــيــه ~~
بعد الاستحمام طبعا يكون جسمك رطب رشيه بعطر خفيف مثل الي قلت بالطريقه
الاولى
ياعطر المسك او عطر الليمون او اي عطر انتي تحبينه
لكي يختلط بما بقي من ماء على جسمك ..
طبعا في هذي الفترة يكون عندك المبخره مليانه جمر
تضعين فيها عود او معمول العود .. وبعدين تدخنين جسمك كله
وحاولي تطولين شوي وانتي تدخنين جسمك يعني يكون اقل شي خمس دقايق
علشان يتشرب الجسم باالريحه زين..
وبعدهااا راح تنعمين بـ الرائحة الزكيه لمدة اسبوع كامل ..
~~ مـلاحـظــــه هـامـــــه ~~
عند استخدامك لطريقه هذي لأول مره انصحك بـ
الاستمرار في المداومه عليهاا .. لمدة اسبوع كامل .. لتثبت وتتركز الرائحه في جسمك ..
ويارب تكون الطريقه عجبتكم لأنهااا بصراحه روعه واسأل مجرب ولاتسأل طبيب
اختكـــــــم
^^
^^
خجـــل العـــذاري