مضــت سنة .!! وانتهــت بشرورهــا وكوارثهـا والقليل من افراحهــا ..
«®°·.¸.•°°·.¸¸.•°°·.¸.•°®»
؛
مضــت سنة .!
وانتهــت بشرورهــا وكوارثهـا والقليل من افراحهــا ،
كانت وكنا فيها نبحــث عن الفرح والسعادة ، قد وجدها البعض ولكنها عمومـا كانت السنه الاسوأ على العالم ..
الغرب يحتفلون بمثل هاليوم وياكلون لحم مقدد ويحتسووون الجعه والنبيذ ويقرعون الاقداح ..
والكنيسه ترقص فرح بزوارها اللي مايعرفون طريقها الا في الكريزمس خخخ
ياحليلنا بداية العام الهجري امي الله يخليها لنا تصلح لنا حليب ابيض صباح العالمين.. وتقول اشربوا غصب عشان تصـير سنه بيضا ع الكل (( امي أدمان دراما مصريه )) :
وفي مثل هالليله يكثر السكر والنكر في الغرب وتشـوف المراقص والملاهي الليليه كنهـا محطـة مصر من الزحمــة ..
رقص وقلة حياء ولازم كل واحد معه خليله او صديقه واللي يحضـر مثل هالحفلات بدون خليله يجلسوونه في ركن خاص للشواذ ومرضى التوحد الجنسي
يعني يجلسونه في حجر صحي بس هاي كلاس خخخ ::
اذا انتهت الليله تشوفهم متسدحين بالارض مايقدرون يتحركون " ثملين " ياحبي لك يامعامل انيس عبيد خخخ طول عمرهم يلعبون علينا ويترجمون على كيفهم ..
اجل سحقا وتباً .! والله طول عمري اقول ياحبيلهم مؤدبين هالاجانب سباتهم دلوعه وفصحى مادريت انه انيس عبيد ع كيفه يترجم خخخ ::
حنا ليلة راس السنه الهجريه تجينا سكينه وخشووع وتقوى مدري وش سالفتها ..امي تجلس تهاوشنا انتهت السنه والاعمال رفعت فيها وكل واحد يحاسب نفسه ويشووف وش هو مهبب ..
وينوي التوبه السنه الجايه ولا يفكر يتعودها ..
لين تخلينا من قوة تأنيب الضمير والروعــة نصلي ونصلي بحمـاس لدرجه ودك تصلي فرووض كل السنه الجايه خخخ
ياحبي لك يا امي الله لايحرمني منك بس
المهم ماعلينا
2007 خلصت وجت اختها 2008 مدري هي شقيقتها او لا ..
تدرون انتبهت لشغله انه مايصير نسب 2007 ولازم نحترمها ونتكلم عنها بأدب خخخمهوب حب فيها بس لانه درسنا بالتوحيد انه مايصير نسب الدهر او الزمن ..
عن أبي هريرة رضي الله عنه قال :
قال رسول الله - صلى الله عليه وسلم - :
( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) .
المهم ماعلينا مانبي نسبها ولاشي بس المشكله اني كل ماسويت بحث بقوقل وكتبت 2007 يقولي ماتبين 2008 يمكن يكون حال العالم افضل فيها  ..
منقول للأمانه
|