البرد عزر بي وانا منه ضــــــــــــــــايق
عجزت ارد حنوكي لا يرقلنــــــــــــــــــــا
كنه نفيث السم بين التــــــــــــــــــــرايق
ينفض عظام الصدر لين احتمنــــــــــــــا
منهو لبرد(ن) حل قابل وطــــــــــــــــايق
الا يا كود اللي مشبه مسنـــــــــــــــــــــا
حتى السما صحو(ن) ولا به بــــــــرايق
بالليل بيض نجومها يلعجنـــــــــــــــــــــا
خبري بوقت القيض واسهيل وايــــــــق
يوم العرب سراح منا ومنــــــــــــــــــــا
صرصر به الجخدب بذيك الـــــــــــزلايق
حزم(ن) زما والقاع دونه تدنــــــــــــــــا
وقت(ن) به الشاوي سعيد(ن) وفـــــايق
ما يشكي البيدا ولو هو تعنــــــــــــــــــــا
ما يلتعي يوم الروابع صفـــــــــــــــــايق
حزات نسمات الخلا يطرقنـــــــــــــــــــــا
وجدي على روض(ن) زهوره رحــايـق
بين الشجر زملوق عشبه تثنـــــــــــــــا
جاه الروي واشفا الشجر للعنايـــــــــق
من الطفل خضر الورق ينقطنــــــــــــــا
فيها عزيف الريح بالسمع لايــــــــــــق
واطيور(ن) بغصن السلم يسجعنـــــــــا
والورق فوق الراك جوز(ن) عشــايق
وطير البلابل بين الاغصان غنـــــــــــا
والقهوجي جنب المحاديب ســــــــــايق
يحمس جديد البن ونجره يدنــــــــــــــــا
يطرب لكيفه بالخلا كل ذايـــــــــــــــــق
في جلسة المرباع كل(ن) تهنــــــــــــا
جايب قدوع(ن) من لذيذ البســــــــايق
غيد(ن) عروقه بالمقيض ارتونــــــــا
جلسة خلا ما له بنفسي زهــــــــــايق
ضيقات الانفس بالفلا يبعدنــــــــــــــــا
يطرب لها من مستكني خفــــــــــــايق
هي جنة الدنا ولا به مطنـــــــــــــــــــا
( منقول)