سألتك يا صديقة قلب أخلص بالصداقـة وحـار
من الصادق مـن الكـاذب؟ سألتـك وزاد تخمينـي
سألتـك يـا رفيقـة درب سألتـك وينهـا الأعــذار
من اللي يعذر الخاين؟ من اللـي ينقـذ سنينـي؟
طعنتي قلبي وعينك عساها مـا تشـوف النـار
جرحتـي قلبـي بغـدرك جرحـتـي والألــم فيـنـي
جرحتينـي قتلتينـي قتلـتـي حلـمـي المنـهـار
تـزوريـنــي تحـيـيـنـي عــلــى بــالــك تحـبـيـنـي
أبيك انتي تقولي لـي مـن اللـي بينكـم أختـار
قبل ما نفترق قولـي مـن اللـي هـو يواسينـي؟
تخونينـي مــع الغـالـي تخـونـي والفـلـك دوار
يخـونـك غـالـي عـنـدك مـثـل مانـتـي تخونيـنـي
عسى يالخاينة ترضي .. عساه يكسر الأسوار
ويـكـوي قلـبـك بجـرحـه مـثـل مانـتـي كويتيـنـي
خدعتينـي وخنتينـي حرقـتـي هالثـقـة بالـنـار
سرقتي أحلامي الحلوة ولعبتي بكل شي فيني
أبيـك انتـي تخلينـي وتنهـي كـل شــي صــار
صداقـتـنـا علاقـتـنـا ويـديـنـك لا تـجــي يـديـنــي
أنـا باطلـب مـن المولـى دموعـك تمـلأ الأنهـار
ويطعـن قلبـك الغالـي بنـفـس الـلـي طعنتيـنـي
خنتـي و‹‹الخيانـة فـن›› وفنـه مثـلـك الـغـدار
وأنـا ماهمنـي غـدره .. همـي كـيـف خنتيـنـي؟؟
وصـــح لســان رعيهـــا
تحياتي