ولكنك تحتارين في طريقه هذه الكبسه وذلك نظرا لاختلاف طبيعه لحم الضب عن طبيعه بقيه اللحوم المالوفه لديك في بيت اهلك ( دجاج , غنم , .. الخ) و البنت تشيل عفشها لان ماني مسئوله لو صار فيها شي والي فيها وحام تتوكل لايطيح ولدها ونبلش فيها وفيه طريقه مفصله لاحلى كبسه ضبان (الله يديم النعمه ) وهي كبسه ملكيه منزليه (( يعني في حاله وجودك بالبيت وياتينا الجزء الثاني في الكبسه الملكيه البريه) المقادير ... وطبعا يراعي انه كلما زاد عدد الضبان زادت المقادير هذه المقادير تكفي ستة اشخاص ( ما يكونون اكيله) اثنين ضب متوسط العمر (شباب يعني ) والا فضل الضبه (انثى الضب) لامكانيه وجود (البيض) اثنين راس بصل كبير فصوص ثووم (كثرو منها عشان ريحه الضب مهيب بالحيل) عصير نصف ليمونه 2 طماطم احمررر حجم متوسط 3 ملاعق سمنه كميه من الماء حسب الحاجه بهارات (فلفل اسود ملعقه صغيره , كمون ملعقه صغيره , ملح (طبعا) , بزار) اربع اكواب رز (بهارات حصو) يعني بعض حبات الهيل وبعض حبات القرنفل وبعض حبات ليمون اسود الطريقه اولا طريقه ذبح الضب.. ونبدأ .. بإسم الله هذه صورة للضبان بعدج التقطيع ويكون على عدد الموجودين بعدها نملى القدر الكاتم بالماء فقط حتى يغطي اللحم نتظر القدر حتى يبدأ يتشتش ونعد من أول مره ثلاث تشتشات يعني يتشتش ثما يوقف ثما يتشتش ثما يوقف ثما يتشتش بمقدار مابين دقيــــ(8 - 15)ــقة من بعد أول تشتشة. هذه الصورة بعد ماطبخ الضب نرفع القدر عن النار ونرفع البلف ونبدأ بنزع ( تقشير ) الجلد... بعد إخراج القدر ورفعه عن النار ... نبدأ بإخراج الضبان من القدر الكاتم على صحن مستقل كي نبدا بتقشير الجلد ولاتنسى أن تجهز كرتون موية صحة (( أو أي كرتون )) فاضي وتحط فيه كيس زبالة حتى نجمع الجلد ... -- للنظافة ... وهذي صورة للكرتون أثناء تقشير( نزع ) الجلد ... طريقة نزع الجلد كالتالي ..:/ نمسك العكرة ... نقطعها بالسكين من الوسط بضغط خفيف كي لانخرب اللحمه ... ... نمسك الجلد من الطرف ونبدأ بنزعه عن اللحمة سيكون شكل العكرة واليد (( اليد أو الفخذ كلاهما متشابهان )) ... على النحو التالي بعدها سينتج عنها مجموع من لحمة الضب جاهزة للطبخ .. (( بعد أن قمنا بنتظيفها من الجلد والوسخ العالق في اثناءها قومي بالاتي قشري البصل وقطعيه ثم اضيفي عليه ملعقه سمنه وشوحي البصل على النار ثم اعصري الطماطم وقلبيه مع البصل ثم اضيفي له بقيه الثوم بعد (دقه مع البهارات ) اضيفي له كميه من الماء اذا غلى الماء اضيفي اليه قطع الضب وملحقاته ماعدا البيض(تاتي طريقه عمل البيض) ملحوظه(عزيزتي اذا قام الضب يرافس بالقدر لا تتروعين لانها مجرد تقلصات عضليه المهم يكون القدر راكد عشان ما ينقلب عليك) ثم غطي القدر (ويفضل ان يكون قدر ضغط ) اذا كان قدر ضغط يحتاج الى نصف ساعه غليان قبل وضع الرز اما ان كان قدر عادي(اذا ماكان ضيوفك مستعجلين) يحتاج من ساعه الى ساعه ونص بعدين ابعدي قدر الضغط عن النار واتركيه ينسم شوي وبعدين ازيلي الغطاء بالتدريج ثم اضيفي الملح والرز وباقي السمن والبهارات الحصوو مع فلفله خضرا طازجه (عشان الريحه تصير مقبوله شوي) غطي القدر واتركيه حتى يستوي الرز ثم اقلبيه على صحن التقديم وزيني الطبق بالاوراق الخضرا والليمون وقدمي معه السلطه والشطه خفت وانا انقل لكم الموضوع بس ان شاء الله جايبتك ياضب جايبتك الله لايعوق بشر وبالــــــــــهــــــــناء والــــــــــــعــــــــــــــــافــــــــيه منقووووول