يابنت روفي بي جعل حالش الزين
والزين منش وفيش وبلا دعاوي
اليا دعيتش لاتقفين تكفين
لاتتركيني فوق مني خلاوي
الظلم والذلة وفرقا المحبين
أصعب ثلاثة يمر فيها الهواوي
وانا وحيد وراضي بقسمي الشين
مادام ما عينت نعم المخاوي
والي يهون غربة الرجل ثنتين
خوة سنافي والحبيب المداوي
وانا مفاقها لي اليوم عامين
وباقي بصدري من وسوم المكاوي
مدي كفوفش يمشاعل مديت كفين
وهاتي همومش يا ام قد طراوي
القلب والخاطر غولش مساكين
لاتكسرين اللي من الفقر ذاوي
واليادعيتش لاتقفين تكفين
لاتتركيني فوق ماني خلاوي
مع تحياتي واشواقي ..انشاألله توصل
لقلوب من نحب
|