مرني طيفك..
مرني طيفك..
وطيفك (صاحبي مدري عدوي)؟!!
جايبن صوتك..
وصوتك سكة الذكرى الحزينه
قال: جوي تكدر..
قلت: ماهو كثر جوي!!
قال: فراقنا غبينه..
قلت وأكثر من غبينه!!
قال: أنا بموت من غيبتك،
قل لي ويش أسوي؟!
قلت: أنا أبغى الموت في غيبتك،
قلي بس وينه؟!
قبل ترحل كنت أقول:
بيسرح أيام ويضوي
مثل ماعودني اليا أشتقت له
جابه حنينه!!
بس هاااآالمره شهووووور
وضلوعي تدوي!!
كل يوم أشتاق لك..
يلعن أبو الشوق وسنينه!!
كل ماعشمت قلبي .. قال:
ياضلوعي تقوي.!
ورحت أنا وياه نرقب رجعة اللي
فاقدينه.،!
احيان أقول:
إليا رجع بكون في قمة هدوي.،!
واحيان أقول: إلا بزعل..
وأنسى مابيني وبينه.!
كل يوم أجلس على جال البحر وأقول:
توي.،!
لا سألني: مافقدت الحلم في لمسة
يدينه؟!
مادريت إن البحر ماقال لأمواجه
(تروي)
ومادريت إن {الغرق}
هو حجة غياب السفينه
ومادريت . . أو مابغيت أدري . .
ولا أدري وش بسوي . . .
لو رجعت وشفت طيفك
في الممرات الحزينه؟!
وين ابنسى؟!..
وأنت طيفك
(صاحبي ماادري عدوي)؟؟؟
مارضى يترك لغيره
(شبر واحد) في المدينه......!
|