ღ همــس الجروووح ღ

ان قلت سولف يسولف لي بتسبيلــه
وان قلت بالله يقسم لي بسلهامــه

يا ويل حي تولع فيه ياويلــه
كم من شهر مر لا صامه ولا قامــه

حي يشوفه وشاف الرمش يومي لــه
ادخل على الله كيف تشيله عظامــه

من ناعس الطرف ذباح العرب غيلــه
كم واحد صافح الموت اول ايامــه

خلي بياضه بياضي عبد عزي لــه
بس ماعليه حلاة الخد بالشامــه

طفل وتوه صغير السن ياحليلــه
ياميت ! ياميت ! من يلقاه قدامــه

توه يسالم على الترويض باقي لــه
في عالم الحب زرفاله ودرهامــه

يمكن بعدليلتين ويمكن الليلــه
بس آتأكد!واشوفه شق هندامــه

ياوش يهمه وأنا مانيب من جيلــه
من عام الأول وهو ريم وانا رامــه

حياة من لا عشق شرواه وش هي لــه
لاواخساره ياليل مر مانامــه

عليه كفي يحفرالقبر ويهيلــه
واخالط الناس بس عقال وعمامــه

لو بين مزه وتعميره وتعسيلــه
ياوين أنا والورق والنرد والدامــه

سيد العذارى يوصي لي واوصي لــه
وقبلي خواله عليه توصي اعمامــه

وان ذبت انا فيه قبلي ذاب منديلــه ولوذاب حتى عليه الثوب من لامــه

ومن يفتتن به ترى ما احد يراعي لــه
فتنه هل السبت من قامه ومن هامــه

مفتون في طفل توه مالبس شيلــه
اجل وش يصير بي لوكمل اعوامـه