؟?؟ أهم قوانين الطبيعة ؟?؟
قانون الاصطفاف :
إذا صاف في طابور بطيء وقمت غيرته، طابورك اللي غيرته فجأة
يصير يمشي أسـرع من اللي انت الحين فيه ..
قانون التلفون :
عمرك ما تتصل على رقم غلط ويطلع مشغول ..
قانون التصليح :
بعد ما إيدك تتزيت وتتوسخ من الشحم ودهن الماكينة، خشمك
يبدأ يحـكك ..
قانون المعدات :
إذا طاح من إيدك أي شي، تأكد انه بيظل يتـدحرج إلى أن يوصل
لألعن مكان ما تقدر تطلعه منه ..
قانون الأعذار :
إذا تأخرت عن الدوام وقلت لرئيسك أن كان عندك بنشر
اليوم اللي بعده تبنشر من جــد ..
قانون المسبح :
بعد وضع جسمك في الماء، يبدأ التلفون يرررررن وما يسكت ..
قانون الالكترونيات :
إذا أخذت جهاز عند مصلح تبي توريه انه ما يشتغل، حزتها
يشتغل أحلى كلام ..
قانون السينما :
اللي حاجزين كراسي في النص لازم يجون آخر ناس ويدوسون على
رجولك ..
قانون القهوة :
أول ماتجيب لك كاس قهوة ساخن، يجي رئيسك ويعطيك شغلة ما تخلص
الا لما تبرد قهوتك ..
قانون المصادفات :
إذا كنت مع واحد أو وحدة ماتبي حد يشوفك معـاهم، فجأة كل
اللي تعرفهم يطلعون قدام وجهـك من كل مكان ..
 
قانون الأقساط :
إذا عندك سيارة أو طراد أو أي سلعة مطلــوبه للأقسـاط،،،
مجرد أن تنتهي الأقساط تخــرب ..
قانون الزواج :
بعد شهرين من زواجك ... يسألونك ها في شي بالطريق ؟؟؟
قانون نهاية الأسبوع :
وأنت نايم يوم الخميس حد النومه تدز أمك أخوك
الصغير يغثك لمن تقعد عشان الغدا ..
قانون الراتب :
آخر الشهر لازم كل العزايم والهديا والطلبات تزيد .. حبكت ..
قانون الطقس :
لازم بنهاية الاسبوع وانت حـدك متحمس بتطلع حداق أو تروح البر
مع الربع يصير الجو هوى وغبار وحـر ورطوبه بمعنى ثاني الفصول
الاربعه بيوم واحــــد ..
و أخيرا قانون البحث :
إذا حبيت تدور شي معين(ما تلقاه) .. مع انك كـنت كل يوم
تشوفه مقــابل وجهــك ..
دمتــم بحفــظ الله
التعديل الأخير تم بواسطة رحـــال ; 06-02-2008 الساعة 08:21 PM.
|