مسكين يا قلب العنا
مسكين يا قلب العنا شكثر بلواك
ومسكين يلي همك جبال واكبر
ومسكين يلي فوق همك تلقاك
عذاب من صاحب علينا تكبر
ليه يالغلا تعذب حبيبا تبناك
يفديك روحه لو عليك الحزن مر
لا تفتخر ان حسنك اليوم علاك
ربك خلق كل الخلايق وصور
لا يالغلا ماجا على البال فرقاك
لا ماطرى فرقاك لحظه ولا مر
افرح لشوفك ولوصالك وملقاك
وافرح اذا خطك لفاني اتبشر
وافرح اذا قالو حبيبك تمناك
واقول يا الله انه تذكر
ان له حبيبا صار في وسط الاشراك
مفتون فيه وما عليه ايتغير
ياصاحبي سود الليالي بلياك
تنام الخلايق وانا عيناي تسهر
تايه الفكر وفكري تايه بذكراك
ارسملك انواع الصور واتخير
ليه يالغلا تطعن حبيبك بيمناك
ليه يالغلا شربتني كاسة المر
ارضيك تزعل وارجع انا اترجاك
شوفتني الويل ومع هذا اصبر
اصبر لاني احبك بصدق واهواك
واذكر ترى دم ولحم قلبي يالحر
وان كان تهواني بصدق قلي وش جاك
لا تترك جروح الفؤاد اتحبر
وان كان نيتك غير اظهر نواياك
اظهر كتاب القلب وافتح الدفتر
واظهر نوايا القلب والكل يقراك
قلبي زجاج ومن عذابك تكسر
وان كان تتركني اتركني منساك
يكفيني طيفك في خيالي اتذكر
--بقلم ---رياض العاشق-----------
|