|
|
|
|
|
شات كتابي,دردشة,شات خليجي ,دردشة عسل,دردشه عسل,3sl, شات عسل شات صوتي بلوتوث , شات سعودي, شات دردشة عسل |
| المواقع الاسلامية | المواقع النسائية | برامج و دروس | مواقع متنوعة | قوقل - Google |
| شات | المواقع الاخبارية | منتديات | المواقع الرياضية | العاب |
|
|||||||
 |
|
|
LinkBack | أدوات الموضوع | إبحث في الموضوع | انواع عرض الموضوع |
02-25-2008, 06:22 PM
|
#1 (permalink) |
|
عسل خاص
|
السلام عليكم ورحمة الله وبركاته ،،،
أما بعد>>>>والله مصدقه حالها على بالها في مجلس الشورى ،،،ما علينا.... اسمحوا لي أصيغ الموضوع بلهجتي الحجاديه اكتسبتها من مبدأ حوار وتبادل الحضارات ،،، بعيد عن الاكسسوارت اللغوية >>يعني دعوني ادخل صلب الموضوع على طول>>هو أحد ماسكك أنا إنسانه في النهاية مجهولة الهوية.... أحب اعكس واقع مجتمعنا وبالذات مجتمع النساء على صفحاتي في المنتدى بطريقه خفيفة وكوميديه ...>>>اعتبروني مراسلتكم من قلب المجتمع النسائي و ياليت تسيرون لي راتب...!!!! ...>>هو أحد طلب منك موضوعي سيتضمن مواقف امتزجت بين الواقع والخيال مما شاهدت أو سمعت أو حتى جال بفكري لأرض الخيال .. وأتمنى أنكم تستمتعون بقراءتها للنهاية كما استمتعت أنا بكتابتها ...  الموضوع الأول ،،، بين خيال القيلولة وحقيقة منفضة الغبار !!!! طبعا" البداية اتصال هاتفي أو جوال أو إذا كانوا جيران والباب قريب من الباب يرسلون اصغر العنقود يعطي خبر بالزيارة >>>لازم وضروري تقول الله يحييكم ولا بيزعلون و يأخذون على خاطرهم وبعدين لازم نطيب خاطرهم كذا بدل القصة المأساوية إلي راح تسير كلمه بسيطة هي مفتاح السعادة بين الاقارب والجيران الله يحيكم والبيت بيتكم >>>إعلان مصر السياحي البيت بيتك لازم تحطها على باب الحوش واخلص .... همسه خارج الموضوع >>>أتوقع بعد عشرين سنه من الآن نصير نرسل ايميلات عن طريق الماسنجر فيما نصه ،،،،اليوم كذا انا فلانه بنت فلان حرمة فلان الفلاني بزوركم >>>استعدوا ... أنا ماعندي مشكلة في الزيارات >>طيب ليش منزله موضوع ...؟؟؟.... المشكلة تكمن في زيارات أيام الدراسة وبالذات الاختبارات >>> والله حاله ما تسر لا عدو ولا صديق>>هنديه الاخت ... المهم ارجع البيت تعبانه و أبغى اتغدى وأنام >>> مو سر الكل كذا حياته في أيام الشغل والدراسة تجتمع العائلة على سفرة الطعام وتوني أقول بسم الله والوالدة تبشرني بالزيارة الكريمة آآآآآآآآآآ >>> باقي الربابه ويصير لحن لمسلسل بدوي ... تصير بالبيت انتفاضه نجري نرتب نطلع فوق ننزل تحت نتسابق >> لو ماراثون كان فزت بالميدالية الذهبية والله الشغالة هي إلي محزنتي بالموضوع كله،،، والله أتعاطف معها مررره وأحاول ما أثقل عليها لكن الشكوى لله ما باليد حيله ....ويدها بيدنا . و أمي محضره لنا مفاجأة كالعادة أول وحده تخلص من أداء مهامها >>>تأخذ دش وتروح تلبس علشان تستقبل الضيوف...!!!! ... وطبعا" زي ما تعرفون أختكم ماخذه الميدالية الذهبية ...وهنا حطنا الجمال الموضوع الثاني ،،، بين دولاب الملابس واستقبال الــ حريم ـــضيوف !!!! اجري على غرفتي افتح دولابي وأصلح جرد للبضاعة هذي فلانه 1شافته وهذي فلانه 2 شافته بس فلانه 1 ما شافته وهكذا .... تخيل لو عدد (س) من الفلانات زاروك في نفس اليوم >>> والله تأثير الرياضيات ....وأنت قدام الدولاب تبغى يكون لبسك جديد بالنسبة لهؤلاء الفلانات ماهي النتيجة المتوقعة ؟؟؟ أنا أقول لكم وأسهل الحل عليكم >>>المفروض ندبس ورقه صغيره على كل لبسه علشان مانحوس الدنيا ونكتب على الورقة هذي فلانه شافته وهكذا ،،،ويسهل عليك شي كثير>>لأنك باستخدام الطرح والجمع راح تعرفين الملابس الي ماشافوه عدد من الفلانات >>وش رأيكم ما تصلح نظريه ترتز جنب نظريات باسكال في المثلثات او طاليس ... المهم انتهي واتكشخ... يدق جرس البيت ...يوصلوا الضيوف ...الله يحييهم .... وتبدأ المصافحات والابتسامات تتوزع على بعض ...وأنا مسكينه أوقف في آخر الطابور >>>اصغر القوم خادمهم ،،،لكن أنا أقول سيدهم ... طبعا" يسلمون علي ويسألون أهم سؤال ..؟؟؟... سؤال يتوقف عليه البرستيج والمكياج والتسريحه ..يتوقف عليه تعب خمس ساعات وقفه قدام المرايه تكشخ ... تسألني وين المرايه ؟؟؟ أوصلها للمرايه وتطالع نفسها ترى خرب البرستيج .... المهم تتذكر نفسها أنها في زيارة وتطالعني كأنها تقول وين مجلس الحريم ... طبعا" أوصلها للمجلس وأنا مقوسه فمي على شكل ابتسامه >>>شغاله تاكسي توصيل ...ماله راتب هذا بعد..!!!.. الموضع الرابع ،،،بين مجلس حريم وعيال حريم ؟؟؟ آآآآآآآآآ يييي>>>وين الربابه,,,, البارحة يوم الخلايق نياما ونية من ونه (بدأت ألخبط) sorry. ادخل مجلس الحريم واقعد معهم واشتغل مراسل بين مجلس الحريم وبين المطبخ ... البداية مع العصيرات وبعدين مع القهوة وبعدين الشاي وهاتك يأكل ... سواليفهم غير >>متأثره بجده غير والله غير يغطون تاريخ كل العائلة من فلان الى فلانه مرورا" بالزواج والطلاق وعدد العيال وكم بنت وكم ولد ....لدرجة اقعد أهز راسي يعني اني فاهمها عليكم ومعكم على التردد ،،،وانا مو فاهمه شي >>>في ذيك اللحظة نظريات الفيزياء على الكيمياء على الرياضيات على مواد الجغرافيا مرورا" بالتاريخ وانطلاقا" إلى الشعر سهلة الفهم قدام شفرات وسواليف الحريم .... وهذا مايهمني إلي يهمني عيالهم مررره شياطين والله أطفال هاليومين ماعاد يستحون ،،،يضرب ما يفرق بين كبير ولا صغير يسعون و مايقعدون ,,,والمصيبة لو كان في شوكولاته صدقوني ما يخرجون من البيت غير وهم ضاربينه بويه والامر انهم يخرجون الحوش على بالك ارتحت منهم لا يجبون لك كل الحوش معك بالبيت >>اقصد الطين وهلم جر.... و أنا اتعوذ منهم وأقول أعوذ بالله أعوذ بالله لكن مايختفون ...وأمهاتهم مبسوطين والله شيطان حتى عندي بالبيت !!! وش التربية هذي علموا عيالكم الأدب وبعدين زوروا العالم ... الله يرحم أيام زمان يوم كان ينقط الأدب تنقيط مني >>>تمدح نفسها .. لا بس عيال زمان كانوا مؤدبين ياحليلهم والله.. الموضوع الخامس ،،،بين لغة العيون وفنجان القهوة ؟؟؟؟ طبعا" الوالدة قدوتي وعمري وأسوتي اعتبرها أذكى من على الأرض ... ماشاء الله قادرة تركز معهم وقادرة في نفس الوقت تكلمني وتسولف معي بدون ما احد يحس ..؟؟.. بلغة العيون ..هذي لغة منتشرة جدا"وسريه جدا" تدور بين الأم و ابنائها ... لغة صامته لان كل نظره من الام تخاطب فيها بنتها تكون لها معنى ...يعني في نظرة حب لعيالها ،،،في نظرة افتخار فيهم ،،، وفي نظرة قومي صبي القهوة فنجان الحرمه فضي ...!!!!.... كل إنسان أكيد مر بمرحلة صب القهوة تنقسم لمرحلتين ... المرحلة الأولى: المبتدئين ،،،طبعا" يمسك دلة القهوة باليمين و الفنجان باليسار ويقعد يصب للعالم ومبسوط ...والعالم مستقرفه بس الشكوى لله قاعدين يشربون مستحين... أو يمسك الدلة باليسار و يده ترجف ومو قادر يثبت يده و راز الفنجان على الطاولة ويصب ويوزع والله صعبه بالذات لو فنجان القهوة صغيرررر>>الله يعينه المهم مع الوقت راح يدخل ... المرحلة الثانيه: المتمرسين ،،،هذا يمسك الدلة باليسار وبثقة والفنجان باليمين ويصب للعالم وهو مغمض >>ماشاءالله عليه نرجع لموضوعنا الوالدة تنظر لي نظرة قومي صبي اقوم بالدله أبغى اصب لها وهي مو حاسة وتقعد تسولف وتضحك وانا من نفسي طفشانه ابغاها تعطيني فنحانها .... يوووووه من القهر جالسه اغلي من جوه وأطالع عجوى التمر وأقول في نفسي لو زرعتها بالحوش كان زمانها اثمرت تمر وانا قاعدة انتظر ست الحسن والجمال تعطيني فنجانها ..... ولا الهانم الثانية أبغى اصب لها وتحلف والوالدة تحلف و أنا واقفه انتظر نتيجة الحلفان ومن فاز . الموضوع السادس،،،بين رائحة العود وفرحة التوديع ؟؟؟؟ اكيد وان طالت الزيارة ولابد ان تنتهي ،،،وأنا من بداية الزيارة أروح وأجي على المطبخ وأقول للشغالة جهزي العود و مسكينة على كذا ألين .. يدق جوال احد المدامات الكريمات ....احل نغمه اسمعها بعمري نغمة جوالها ألحين >>لان زوجها بيمر ياخذها الحين اطير على المطبخ وأقول خلاص جهزي العود >>ومعروف بعد العود مافي قعود أدور بالعود و أنا فعلا" مبسوطه ...وأوزع عليهم عباياتهم وأوصلهم لباب البيت أودعهم ... واجري على غرفتي ابغى أنام >>فاتتني نومت الظهر في النهاية ،،، شفتوا كم شغله شغلتها في يوم واحد ... عضو في مجلس الشورى ،،،مراسل لقناة أخباريه ،،،،مراسل بين المطبخ ومجلس الحريم ،،، موزع ابتسامات،،،تاكسي توصيل ،،،رعاية اطفال ،،،واهم شغله قهوجي في مجلس حريم ..!!!... بعد كل هذي الأعمال ولكم عين تقولون في بطالة في مـــ ج ــــتمع الــــ ح ـــريم ودمتم في حفظ الرحمن ورعايته
__________________
 اعشق الورد وقطرات الندى على الأوراق يسحرني شورق الشمس وهو يعانق الأشجار ارتمي في احضان الطبيعة واخط شعراً باللون الأخظر ارسم ابتسامة وردية وعيون تلمع حباً وعشقاً لهذا الجمال الرزينهــــ |
|
    
|
|
02-26-2008, 12:05 PM
|
#4 (permalink) | |||||||||||||||||||||||
|
عسل خاص
|
تسلمين حياتي شهوده ع مرورك الغالي
__________________
اعشق الورد وقطرات الندى على الأوراق يسحرني شورق الشمس وهو يعانق الأشجار ارتمي في احضان الطبيعة واخط شعراً باللون الأخظر ارسم ابتسامة وردية وعيون تلمع حباً وعشقاً لهذا الجمال الرزينهــــ |
|||||||||||||||||||||||
|
|
|
|
02-26-2008, 12:05 PM
|
#5 (permalink) | |||||||||||||||||||||||
|
عسل خاص
|
تسلم كابتن عمرورك الغالي
__________________
اعشق الورد وقطرات الندى على الأوراق يسحرني شورق الشمس وهو يعانق الأشجار ارتمي في احضان الطبيعة واخط شعراً باللون الأخظر ارسم ابتسامة وردية وعيون تلمع حباً وعشقاً لهذا الجمال الرزينهــــ |
|||||||||||||||||||||||
|
|
|
،،فنجان قهوة في مجلس حريم )y(
