goldenboy

جيت كلي
انتهى الحلم الجميل ولا بقى غير الاماني = وقمت ادور في حياتي عن خطا الوقت وخطايه
مالقيت الاحبيب للغلا يومه دعــــــــــاني= جيت كلي لين كلي صرت للعالم حكـــــــــــايه


ولا لقيت الا حسود مبغض بعينه رمـــاني= ولا لقيت الا عذول ألف كتاب وروايــــــــــــــــــــه
مشكلة بعض الاوادم ما يحب ولا يداني = وكن ماله فالبسيطه من عدو الا ســـــــــــــوايه


ما جفيت اغلا الحبايب لا ولا خلي جفاني =ماألتفتنا للعذول ولا استمعنا للوشـــــــــــــــــايه
مير ذا حكم الزماني أأه يا حكم الزماني= نسدل استار المحبه وننتهي قبل النــــــــــهايه


يفرض الواقع عليه حل ماله حل ثاني =وارفض الواقع وانا اللي دايم ابحث عن مرايـــــــــــــه
يوم انا قلبي عطيته ويوم قلبه هو عطاني= ما وصلت ادنى جزاه ولا وصل لدنى جزايــــــــــــــه

ان شكا خوف الموادع هز قلبي واتغشاني= رعشة ماهي خفيه جابت اقصــــــــاي ومدايــــــــــه
وان شكا سهر الليالي قلت له مثلك ولاني = ناسي حبك ولكن صبرك وصبري دوايـــــــــــــــــــه

وان شكا قسوة زمانه صرت لهمومه مواني=وان شكيت البرد قلبه نار ورموشه عبــــــــــــــــايه
كنت له غيم تناثر وابله فوق المحاني=وكان لي ورد عبيره ينثره داخل حشــــــــــــــــــــايه

انتهت حتى الاماني يوم وقتي لي عصاني = وانجبرنا غصب عنا نرتضي حكم الوصـــــــــــــــــايه
دام هو عالم بخيل ودام هو عالم اناني =بختصر كل المسافه لا هناي ولا أســـــــــــــــــايه

انتهى حلمي وخلي للغلا يومه دعاني=حيت كلي لين كلي صرت للعالم حكــــــــــــــايه

__________________
]