|
|
|
|
08-16-2008, 12:29 AM
|
#1 (permalink) |
|
عسل شاد حيله
|
ليله جميله نجومها نديه وكأن السماء اوراق شجر متراصه
قمر غائب وخسوفه يثير الاهتمام يسرح بالنظر للاسفل هناك في ارض فارغه بعيدة عن ضجة البشر والمساكن ع زرع بستان صغير كل شي يوحي بالدفء والروعه علا صوت حبيبن ارتقوا بعشقهم الذي بداخلهم واصبحوا نجوم بالسماء ودار بينهم هذا الحوار: حبيبي خاطري اسالك دام اني باحضانك وش سر هالحب وليه انا بالذات كثير بكوا جروحهم باقلامهم وصمتهم وكثير ذموا شوقهم عذاب وجحيم ماينطاق وانت حبيبي كنت تركض للهم ركض وش هو السر ابي اعرف وش سبب اصرارك لو سمحتلي ابتسم لها انا حبيتك ياروح القلب ولاارضى افقدك وفداك تضحيات العمر الماضيه واللي بتكون تنبض قلوبنا مرات لكن مره واحده نهتم ونتامل دقاتها بعتب رقيق وش ذا اللي تقول مافهمتك حبي سالتك وين الجواب ضحكه رقيقه ونظره حانيه واصابع دافئه تلامس راسها جاوبتك يااحلى مافي الكون بس انتي اللي ماكنتي معي الظاهر صمت لبرهه نظرات استغراب وبراءة غضب طفولي على وجهها ونظرة محبه ووله كبير في عينيه اذا تبي تتاكدين من حبي فالله اكبر كيف الجبل صار فعيون هالزمن حجار وكيف شلال مشاعري الجارفه بمعيارك بئر عميقه غامضه نظرة حزن طرت ع وجهه وتانيب ذاتها بات واضح من انكسارها هل هذا فعلا ماارادت ان يفهمه من سؤالها بصوت اجش ناداها حبيبتي علت بنصف وجهها تبادله نظراته لمس وجنتيها وقال حبيبتي ادري ان الدنيا دنيئه والزمن من ردي لأردى وادري ان الوفا اصبح كلام والعهود الوثيقه ماعادت الا وعود تحكمها الظروف احس بخوفك ولاتظنيني سالي اعرفك بكل حالاتك حبيبتي هذا انا وهذا انتي وبيننا رب الخلايق يشاهد اعرف جروح صدرك من غدر احباب واصحاب واحس بعبرتك الخانقه ودموعك اللي على طرف رمشك الحين افهمك دون ماتحكين بس ياقلب حبيبك معقوله انتي فيني ماتحسين معقوله بحبنا تشكين وتنكرين حبيبتي اعترف اني ماني مختلف انا مثلهم بنفس الزمن ماني فالزمن الخطا اكذب أي ولالساني بسيف للصدق بس انا احبك احبك ادري قليله ورغم ان الايام تثبت بس اقدارنا كلنا نجهلها ومثل ماانتي انجرحتي قبل جا الوقت لك وجرحتيني هذي حالنا من امتطى درب الهوى والحب والهيام عاشق وله طريقين يخطيها الاول بيكون الضحيه والثاني هو الجاني واحيان دون مانشعر وبلحظة صمت خاطفه واختناق مشاعر ووله واشتياق دارت بهم افكار وتزاحم الاحساس وقع الخوف بقلوبهم وهم يدورن والكون يدور بهم حسوا برعشة نبضهم قريب الحب لكن بعيد هم فاحضان بعضهم طيب وين العله وش اللي قاعد يصير قطف هالشوك الجارح وقال: مااقدر اقنعك بشي وادري كلامي ماساعدك بس اللي ابيك تعرفيه اني انا انتي وانتي انا وهالمره دورك تمسكي السكين ووقت اللي تبي تجرحين اجرحي بس انتي كل اللي بقالي بهالكون وحالي عليل معك وبلياك ورغم كل ذا احبك علة الجسد تهون وعلة القلب منك تمون تمون ياشيخة المزايين تمون يااطهر يدين تمون ياثغرك الخجول تمون يالقلب الحنون احبك وش اقدر اكثر اقول ضمها بقوه بين ايديه لصدره الملتاع وقبل يحكي قاطعته وليه انا ليه انا بالذات ضحك لها وقال لان انتي قدري وانتي المكتوب احنا نجوم بسما متراميه وانتي جارتي بموطن غريب الا انتي موطني وغربتي ورفيقتي وعدوتي انا وانتي وانتي وانا اعدمنا البوح والصراحه وذبحناهم والمهم الحين كل منا يفهم رموز الاخر ويلين فهمتيني ياروح الروح سكتت لبرهه طويله وبجفا خالي أي حبيبي فهمتك هو بعد سكت وتلاشت بسمته وكنه يستدرك رغبه بشفاتها تبي تطلقها ماهو عنها بجاهل وانا بعد فهمتك قام عنها واستدار ومشى ناظرته ودموعه تساقط تنير له درب غدا مظلم فروعته السابقه ولاقويت تناديه وهذي اجدد جروحه تعود تطلبه بعده وتعودت تبكي بداخلها وتكتم حبها له كل هالغموض والقسوه خوفها لانها تجرحه وتالمه اكثر و الايام تظلمهم مادرت ان هذي اعظم جروحه والدواء قربها وهي اللي تبعده [ لمشاهدة الرابط يجب عليك التسجيل .. للتسجيل اضغط هنا ] ........... اتمنى عجبتكم هالكتابه جديده علي حاولت اجسدلكم شعور الذكر والانثى في موقف اتمنى نجحت في التصوير تحياتي للكل
__________________
 التعديل الأخير تم بواسطة بعدي بانتظارك ; 08-16-2008 الساعة 12:44 AM. |
|
    
|
| أدوات الموضوع | إبحث في الموضوع |
| انواع عرض الموضوع | |
|
|
|
|
.......
الوصول السريع
الى اقسام
شات
و
منتدى
عسل
........ |
احتراق نجوم خائفه
العرض العادي
