السلام عليكم

هذي الابيات يديده...بس هالمره بشرح الابيات بطريقه مبسطه(الزبده يعني) واذا عيبكم الحال خبروني حق كل مره اترجم لكم لغة الجن (هههههههه).اوكي؟


مضمونها ان لي صديق او اخ يداوم فالمرور.....واني كل ما اتصل به يحسبني شرات غيري من الربع يبغيه في حايه ولا يبغي منه شي........فـ هالريال ياته فتره وقطع(وانا بدوري كصديق اشتقت لجلسة الريال هذا وعلومه وقصايده)المهم الريال ادق له كم مره ما يرد.... ونشدت ربعنا قالو يمكن مداوم الريال......قمت طرشت له مسج(يا فلان ترى يطاردوني الشرطه)رد ودق لي وظحكت في ويهه...........بس خلاص خلصت السالفه....ِشو رايكم ...ما يحتاي قصيد الحين صح هههههههههه







شفني مطارد من قبل سائق اسعاف=كذبه عشـان اقابلـك لـو شويّـه
يا صاحي بو نوره لو العمر طـاف=منسـى غلاكـم دام لظـلاع حيّـه
ما كل اهل الأرض على نفس لعراف=كلّن يميّـز صاحبـه مـن خويّـه
وانا على دلّتك يـا خـوك شغّـاف=واخذ علوم اهـل الحيـاه لبدويّـه
مثل النبات ان تزرعه في خلا جاف=رزقه على قطـرة مطـر موسميّـه
مثل المهاجم دون تسجيـل لهـداف=يجلس على الدكّـه ولاهـي قويّـه
خذ لك طرف وانا معي كل لطـراف=شعـرن بليـا وزن حاجـه غبيّـه
وقفت في وجه البشر دون رجّـاف=همي اجرّب كيـف اصبـح ظحيّـه
وحملت جثمان الزمن فوق لكتـاف=وغنيت من طربـه لفتنـي عليّـه
وسلبت من حلق الفخر كلمة انصاف=ان القضايـد بالحـروف ابجـديّـه
دام الشعر عملـه يقابلـه صـرّاف=ما نشتريهـا عملـت(ن) اجنبيّـه
ماخاف افارقلي رجل لكـن اخـاف=علـى فراقـك هالقصيـده وصيّـه
اشوف موتي وقالو الناس ما شاف=إلّا مواقـف عـابـره سرمـديّـه
حتى الجروح الي لفتنـي بتنعـاف=دام الحايـه بنـاظـري جاذبـيّـه
يا صاحبي لو شفت ان البحر جاف؟=؟وش فايدة اهل السمـك بالمطيّـه
شف الغلا نبظه مثل وعد لشـراف=الـي اذا منّـه تحـزّم ....قضيّـه
اخذه كلامي من نقى صفر لصـداف=احـلا هديّـه كـان ودّك هـديّـه