MOON15

السلام عليكم
هاذا الجزء الثالث

اكبر فخر للمرجله يوم نطريك واكبر فخر لعيال عمك وجودك

سمعت صوت الباب وانا احسبك جيت اثر الهوى والباب يلعب عليه

من حبكم قمت البس الثوب مقلوب وانشد عن الغتره وهي فوق راسي

لوكان قلبي ناوي اليوم ينساك لقطع عروقه وانزعه من مكانه

يازين صوتك لاعبر بين الاسلاك وشلون لو حطو مع الصوت صورة

انا شبابك لاغزا راسك الشيب وانا عضيدك لو تدور الليالي

اتعبني الحلم لين الواقع انكرني كني مسكت الفرج بيدي وهديته

انا اذكر يوم جيتيني وبصدرك نزيف طعون سحبت السيف ابفزع لك وبسيفي طعنتيني

تعال واللي طرا في خاطرك سوا موتن بقربك ولا عمرين من دونك

روحي وغيبي واختفي عن حياتي مهما ابتعدتي ماتعدين الاهداب

كمل جميلك واحفر القبر لاهنت وشلون اعيش بدنيتي دون لقياك

ياليتني لابقيت اكره قدرت اكره ماكان قلبي ليا جيت اكرهك عيا

على كف الغلا شلتك وحطيتك وسط عيني اداري خاطرك واكسر خواطر ناس تغليني

ياصاحبي ماهي حكاية كرامة حنا خسرنا بسبتك ناس غالين

مسكين في غيبتك ماشفت وش فيني ترحل علي هالمزاج بكيف رغباتك

ليه اترك ايامك تبخر مع الريح وانسى وجودك بالحياه ابسهوله

ادري انك تحب الخاين اللي غدربك بس كمل طريقك وارفظه من حياتك

يمطر لغيري من حنانك سحابك ويموت قلبي ظامي بين اياديك

شعوري لو يمر عندك اكيد انك تبي ترقع تبي ترفع تعز نفسك تلاقي حضرتك ساجد

بشرب من الدله لو كان بها سم......ما اهز فنجالي ولا اقول كافي

مادامه بيمناك وتقول لي سم...... بسم الله اشرب وكل سم عوافي

لو بحر الهوى غدار انا ياصاحبي عوام دام عيونك المرسى سنين العمر مجدافي

وينك يالافراح ماعاد لك طاري مري على قلب من وقت ناسيته

قل للجروح الموجعه لاتجيني من مات قلبه ماشكى نوع الاعدام

ودي قبل موتي ارد اعتباري اخاف اموت وخاطري منك مكسور

دورت لك في داخلي شي يكرهك لقيت حتى الكره فيني يحبك

لاتروح بعيد والواقع امامك لو لمست القلب صافحت المشاع

الا الوفا ماله بقلبك بقايا عند الذي مثلك اظن الوفا عيب

لعنبوا وقت يجادلني على طيبك الطيب لك عبد يقول السمع والطاعه

انا بدونك ليتني يوم ماكنت بس انت قلي كيف حالك بدوني

دمعن تناثر واتعب الكف لمه ومن حيرتي قمت امسح الدمع بالدمع

من الزهر عطر المحبه اخذتي ومن الطفل رقة حلاوة كلامه

اذا جرحي مهو منك يعل الجرح مايبرا واذا دمعي مهو منك يعل افقد نظر عيني

نادت مشاري وصاحو الخلق لبيه من زينها كل الخلايق مشاري

في عيون الناس شاعر وبعيونك يتيم شوفي ياكبر اختلافي وانا انسان واحد

لاينشغل في كلام الناس تفكيرك يكفي سميك اذا نادوه يربكني

قبل لاتجي طاري وانا كنت في طاريك تصدق قبل حتى اذكرك كنت في بالي

عذبني اكثر لايهمك عذابي ازعل عليك ايام وارجع واحاكيك

ما كل من حبيتي يذكرك بالخير بعض البشر بنساك من يوم تمشي





يتبع.......

__________________
>>>أزف الفرح لناس وسري بالقلب مدفون الجاهل يحسبني فرحان ونا بالحزن مدفون<<<<
HMOODYY@HOTMAIL.COM

MOON15

التابع

من يكتب الماضي على كف يمناه يلقى شماله تشتكي من يمينه

اللي ستر عيبه عن الناس بهدوم وش يستره لاصار عيبه كلامه

ياشينها لاصرت للناس محتاج تصغربعين الناس من شان حاجه

جيت المكان اللي قعدنا به اوقات وعجزت اقعد في مكاني دقيقه

بعيونك القى كل عمري والايام وبفراقك يموت الامل في حياتي

حبك رسم كل الوفا في معانيه مليون احبك والف مليون ثاني

اخاف ابين حناني ثم تتكبر واخاف ابي قسا قلبي وتنساني

قلبي معك لو شفت حسي مع الناس ماغاب طيفك عن خيالي دقيقه

ليت المسافه بيننا بس مترين يمشي متر وامشي متر وانتلاقى

تقول ساعدني وانا اقول وشلون لو اقدر النسيان ساعدت روحي

خل العناد اللي براسك يولي اخاف لاتصغر بعيني واخليك

انا افكر كيف ازيل المنحدر من الاساس والاغبياء لاهين في لذة صعود المنحدر

شافوه بعيوني وقالوا فضحته وشلون لو شافوا بقلبي طعونه

ماقلت لك عمر سيف العشق مايقتلك ماتشوفني حي قدامك وانا اموت فيك

مايخلي حالة الرجال حاله غير بنت في مواقفها رجوله

ما احد خذا غيرك من الناس عمرين عمرك وعمر اللي معاك فات كله

كلك تعالي غلا والا ارجعي كلك بعض الغلا منك مايستاهل الجيه

رح وين ماتشتهي رح قد ماتقدر انا اول الناس في قلبك وانا الباقي

ماقلت تكفى ولاني قايل تكفى هذا انت غالي قريب وتبتعد غالي

فيها غنج ساذج على ملعنة جد على شوية شيطنة مع شقاوه

ماضمك الا امك وابوك وسريرك وماشاف زينك غير اخوك وخواتك

اشعر ان الكون في بعدك خراب والاماني بكل شي خايبه

وش فيك ضايق من الدنيا وش الطاري من زعلك ما انخلق جنسه ولا جيله

يا ابن الحلال السالفة لو تأملت ماهي باكثر من شقاوة طفوله

ولو كل شي بغيته دوم حصلته كان اكبر الناس عندي اصغر اولادي

نذر علي والنذر مافيه تبديل يا جارحك مايتهنى في منامه

اما تعدي لو غدا صبحنا ليل والا تعالي واقلبي ليلنا صبح

ادري مع غيري تخونيني الحين وادري بعد ساعه تخونين غيري

عادي معك ابقى وعادي اخليك مثلك مثل غيرك مجرد صداقه

كيف أحبك وقلبي بالغرام امتلا وش تبي منه اكثر وانت كل شي فيه

من كثر رقتها والنعومه كن النسا من حولها مسترجلات

راح العمر وانتي تقولين باكر وعيا يجي باكر من العام للحين

انت البخور اللي تطيب به الدار وغيرك حطب والكل بالفرق داري

باللين والترحال تكسب غرامي ماينفعك كثر التغلي والزعل

لايزعلك يابعد عمري سكوتي ترى الغلا ماهو بكثر السوالف

لونست غيمة مواصيلك سماي ماتموت من العطش نبتة غلاك

حاولت اشوه صورتك في خيالي وغصبن علي اميل يمك واحبك

لو الارض تحس بلوعتي يوم فرقاك يمكن .تجف بحورها من زعلها

نسيتني في زحمة افراح دنياك حتى سلام الله تكاثر تقوله

شلت عنك اللوم ماقصدي غلا رأفتن في حالتك يوم انتهيت

من قدر الايام جيتك كارهن نفسي لوقلت وش فيك بكيت وقلت محتاجك

ازعل وان كان حبة الكوع ترضيك كسرت يدي لك وحبيت كوعي

مدري وصلتك ليه لاكن وصلتك مدري ولاكن في غيابك تعلمت

تكفون خلوه يزعل لاتراضونه والله ليبطي وهو ماجاه مرسالي

قبل السفر ودي بنظرة اخيرة اعيش فيها باقي العمر واموت

حتى الغلا في غيبتك قال وين انت حتى الشعور يظيعك ثم يلقاك

روحي وغيبي واختفي عن حياتي مهما ابتعدتي ماتعدين الاهداب

ابغى انطوي طيه الحيه والف وازحف كما الثعبان*** اللي انكوى في الهوى كيه ما عاد يوثق بأي انسان

ليس الإعجاز أن نصنع ألف صديق في السنة .. ولكن الإعجاز أن نصنع صديق لألف سنه

كتبت وقد أيقنت يوم كتابتي بأن يدي تفنى ويبقى كتابها .. فإن كتبت خيراً ستجزى بمثله وإن كتبت شرا عليها حسابها




وما كنت ممن يدخل العشق قلبه و لكن من يبصر جفونك يعشق .

أغرك مني أن حبك قاتلي و أنك مهما تأمري القلب يفعل .

يهواك ما عشت القلب فإن أمت يتبع صداي صداك في الأقبر .

أنت النعيم لقلبي و العذاب له فما أمرّك في قلبي و أحلاك .

و ما عجبي موت المحبين في الهوى و لكن بقاء العاشقين عجيب .


أرجوا أن تعجبكم

__________________
>>>أزف الفرح لناس وسري بالقلب مدفون الجاهل يحسبني فرحان ونا بالحزن مدفون<<<<
HMOODYY@HOTMAIL.COM

طلال اليمني

MOON15

مشكور وماتقصر على مرورك

__________________
>>>أزف الفرح لناس وسري بالقلب مدفون الجاهل يحسبني فرحان ونا بالحزن مدفون<<<<
HMOODYY@HOTMAIL.COM

awodhs

MOON15

الله يعافيك

__________________
>>>أزف الفرح لناس وسري بالقلب مدفون الجاهل يحسبني فرحان ونا بالحزن مدفون<<<<
HMOODYY@HOTMAIL.COM

عآبر سبيل

الله يعطيك العافيه

__________________

skbo

__________________

البنت المخبلة

تخبل بالعراقي وتينن بالخليجي وروعة بالسوري

skbo

__________________