عجايب والعجايب ما عرفناها
وخلصنا عمرنا سنين وياها
مرمرنا الزمن وايامه الصعبات
والدنيا الشربنا من ثناياها
باريناها كل سنينا الحلوات
وحاولنا نعيد الوصل وياها
ما رضيت علينا ولا تريد اعذار
وخلتنا نصب دموع بجفاها
جفتنا احنا جهال زغار ومغمضين
وحرمتنا الدنيا من فرحته وغذاها
بس نرجا الليالي تعود والايام
ولو عادت وقتها انلوذ بحماها
يا غدر الزمان اتريدنا اننساك
وايام العذاب اتريد ننساها
ما ننسى عذابك للابد والله
وما ننسى عذاب الروح ونعاها
ونبقى محا ربينك لو نضل للموت
وسفينتنا لابد ما تلقى مرساها
مرساها الامان البيه حلمنا سنين
وضحكتنا القبل كانت شمحلاها
بس يا حيف الفلك يندار عالطيبين
وادور السنين بعكس مجراها
وتذل الوفي والزين بين الناس
وتخلي النذل يضحك على بكاها
بكيت انا على عمرا خلص بهموم
والدمعه انزلت محد تلقاها
المواضيع المتشابهه
عجايب----- والعجايب
العرض العادي
