بالله ياهل دبي الا اهل العين
من قال تبشر به عطيته بشارة
قرناس عشر سنين واربع وعشرين
والا فيه من الوفا والقشارة
لاقام يدرج عينه يسار ويمين
مثل الخفير اللي يداقش خفارة
ياشيب عيني لا كفخ بالجناحين
اسبق من اطيار الاباتشي طيارة
ماهاجر الا بين خضر البساتين
في ضيافة اللي مايحسب الخسارة
يخلي مراحيل ويملا مراحيل
يمناه من اسلوب الليالي مجارة
بيمنىكريم بدل العسر بالين
نعم نعم جزاع نمر النمارة
اشهر ابراج العام الاول وهالحين
برجين برج ايفل وبرج التجارة
وضيدان يكرم في ضيافة كريمين
كنة من ال مكتوم والدار دارة
فندق جميرا بتش ماليه حمر عين
من مر منها قام يمسح جدارة
اليوم ياضيدان وينك وانا وين
خليتني مابين تارة وتارة
اشيل ماشالت ظهور البعارين
واصد غارة واتصدى لغارة
البارحة في الدور واحد وخمسين
شبيت من راسه الفتيل السيجارة
وكنيتها لين امتلن الشرايين
لعلها تطفي لهيب الحرارة
ونفختها والدمع في محجر العين
ماسال لكنه رهين الاشارة
اقرا واعيد الخط مرة وثنتين
واقول من صدر تحطم عبارة
لبيه ياسلطان لو نازح البين
يترك سرابه ويتركز غبارة
غربت حاديني من الفقر والدين
محد ابو عرام يجلب قشارة
وانصيت ربي ثم نصيت المريبين
اللي منازلهم على راس قارة
من فضل رب البيت ما بين عدين
بين احمد وحمدان والعلم شارة
في فلةٍ بدبي ملكي ودورين
تعلم البدوان فن الحضارة
قدامها لنكن وكدلك ورنجين
وفي البر عزبة والمدينه عماره
وان طعتني روح علي ياحمر العين
بشت الغناه ولا بشوت الامارة
من لا عشقله واحدٍ من هل العين
عز الله ان باقي حياته خسارة
يا اهل دبي
العرض العادي
