أخيرا جيت ياشاطر رجعت مخاوي الونــات
خضعت ودمعك الثاير على الوجنه ينادينــي
عرفت اللحين مقداري دريت إني على النيــات
ولكن ما مضا ماضي وانا الحاظر عناوينــي
نسيت يومك تبكيني نسيت كلمة عديم الــذات
نسيت يومي أغص باسمك وعلى الغصه تهنينــي
خساره طحت من عيني غدت ميزتك لي سيــات
شطبتك من كشوف الحب ودمعي
لك يواسينــي
صحيح القلب من هجرك كساه الهم واللوعــات
ولكن عزتي ترفضك مهما تصافحك عينــي
نسيتك قالها قلب (ن)يعاني لحظه السكــرات
وعلى نعش الهوى كلمة نسيتك من شرايينــي
خلاص مرحومي شيعته بصمتي واندفن بسكــات
وتقبلت التعازي وانت ولا فكرت تعزينــي
وجايني اليوم متأسف عقب ماتاهت الخطــوات
عقب ماذابت عروقي وليل الياس طاوينــي
عقب كسرت خواطرنا تبي نرجع محال هيهــات
أنا راضي أخاوي الموت ولا مثلك يخاوينــي
المواضيع المتشابهه
%~انا راضي اخاوي الموت ولا مثلك يخاويني~%
العرض العادي
